ពិតជារឿងមួយដ៏គួរឱ្យភ្ញាក់ផ្អើលមែន តារាចម្រៀងវ័យក្មេងពីរដួងដែលជាដៃគូចាស់នឹងគ្នា នីកូ និង កញ្ញា ពេជ្រ សូលីកា បានបង្កើតការភ្ញាក់ផ្អើលមួយដល់បណ្ដាទស្សនិកជនជាថ្មី បន្ទាប់ពីតារាប្រុសស្រីទាំងពីរដួងនេះ សហការបញ្ចេញបទចម្រៀងរួមគ្នាមួយបទយ៉ាងពីរោះក្រោមចំណងជើងថា «លាក់បាំង» ។
ជាការពិត តារាចម្រៀងប្រុសសាច់សខ្ចីដូចបណ្ដូលចេក នីកូ និង ស្រីស្រស់ពូកែខាងក្រមិចក្រមើម ពេជ្រ សូលីកា បានបញ្ចេញចម្រៀងរួមគ្នាលើកនេះ គឺជាប្រភេទបទចម្រៀងបែបមនោសញ្ចេតនាស្នេហាប្រុសស្រី ឆ្លុះបញ្ចាំងពីភាពពិតក្នុងសង្គមយុវវ័យបច្ចុប្បន្នផ្ទាល់តែម្ដង ។
ស្ងាត់ៗ ស្រាប់តែដៃគូចាស់ចម្រៀងខាងលើប្រកៀកដៃគ្នាបញ្ចេញចម្រៀងតែងនិពន្ធថ្មីនេះ គឺជារឿងមួយសឹងតែធ្វើឱ្យមហាជននឹកស្មានមិនដល់ទេថា តារាចម្រៀងរាងតូចច្រឡឹង ពេជ្រ សូលីកា វិលមកសាងភាពភ្ញាក់ផ្អើលដល់អ្នកគាំទ្រខ្លួនជាថ្មី ព្រោះនាងបានស្ងប់ស្ងាត់ពីសិល្បៈអស់រយៈពេលច្រើនឆ្នាំមកហើយ ។
តែទោះជាយ៉ាងណា ការចាប់ដៃគូគ្នាឡើងវិញរវាងតារាចម្រៀងវ័យក្មេងធ្លាប់ទទួលបានប្រជាប្រិយខ្លាំងពីមហាជន នីកូ និង ពេជ្រ សូលីកា ដោយបញ្ចេញបទចម្រៀងយ៉ាងពីរោះលើកនេះ គេសង្កេតឃើញទទួលបានការគាំទ្រខ្លាំងគួរឱ្យកត់សម្គាល់ពីបណ្ដាអ្នកលេងហ្វេសប៊ុក ៕ BeBe ប្រែសម្រួលដោយ ប្រជាប្រិយ ប្រភព៖ គណនីហ្វេសបុកនីកូ
“លាក់បាំង”រង់ចាំយូហេីយមែនទេ? ពួកគេបានត្រឡប់មកវិញតាមរយះបទមនោសព្ចេាតនាថ្មីគឺបទ “លាក់បាំង” (original song) និពន្ធបទភ្លេង&ទំនុកច្រៀងដោយ : Noly អគុណរសំរាប់ការគាំទ្រ Nico manager official Pich Solika
Posted by Nico manager official on Wednesday, September 27, 2017
