ទើបតែធ្លាយដំណឹងរៀបការមិនបានប៉ុន្មានផង ស្រាប់តែម្សិលមិញនេះ ឱក សុគន្ធកញ្ញា បាននិយាយក្តែងៗនៅក្នុងកម្មវិធីមួយជាសាធារណៈថា នាងនឹងរៀបការនៅវ័យ ៣១ ឆ្នាំ ដែលឆ្នាំក្រោយនេះ គឺនាងចូលវ័យ ៣១ ឆ្នាំហើយ ។ ពាក្យសម្តីនេះល្មមគ្រប់គ្រាន់បញ្ជាក់ថា ឱក សុគន្ធកញ្ញា ពិតជាមានគម្រោងរៀបការយ៉ាងពិតប្រាកដមែន នេះជាលើកដំបូងហើយដែលនាងនិយាយចេញពីមាត់នាងពិតៗ ។
ចាប់តាំងពីបែកធ្លាយរឿង ឱក សុគន្ធកញ្ញា បានភ្ជាប់ពាក្យរួចមក នាងមិនដែលបានចេញមុខបកស្រាយចំពោះរឿងនេះដោយផ្ទាល់មាត់នោះទេ ផ្ទុយទៅវិញនាងបែរជាធ្វើធម្មតា ហាក់ដូចជាគ្មានរឿងអ្វីកើតឡើង បើទោះបីជាមានគេដឹងច្បាស់ថា នាងបានភ្ជាប់ពាក្យជាមួយបុរសសង្ហារកូនចៅចិនខាងលើរួចក្តី ។
ដោយឡែកនៅថ្ងៃទី ២០ ខែតុលា ឆ្នាំ ២០១៧ នៅក្នុងកម្មវិធីមួយនៅក្នុងសណ្ឋាគារ ហ៊ីម៉ាវ៉ារី ស្រាប់តែ ឱក សុគន្ធកញ្ញា បានច្រៀងនូវចម្រៀងមួយបទដែលធ្វើឱ្យមានការចាប់អារម្មណ៍ខ្លាំង គឺបទ «ឆ្នាំអូន ៣១» ចុងក្រោយនាង ថែមទាំងនិយាយចេញពីមាត់របស់នាងពិតៗជាសាធារណៈនៅចំពោះអ្នកចូលរួមជាច្រើនថា «អាយុគ្រាន់តែជាតួលេខប៉ុណ្ណោះ ប្រហែលជាឆ្នាំក្រោយ គឺត្រូវរៀបការហើយ គឺមិនអាចឱ្យហួស ៣២ ឆ្នាំ នោះទេ (សើច…)» ។
ពាក្យសម្តីខាងលើនេះ គឺល្មមបញ្ជាក់យ៉ាងច្បាស់ថា ឱក សុគន្ធកញ្ញា មានគម្រោងនឹងរៀបការនៅឆ្នាំ ២០១៨ ខាងមុខយ៉ាងពិតប្រាកដ ពីព្រោះឆ្នាំក្រោយនេះ គឺនាងចូលវ័យ ៣១ ឆ្នាំហើយ ។
ទស្សនិកជនជាច្រើនកំពុងទន្ទឹងរងចាំមើលកូនកំលោះរបស់ ឱក សុគន្ធកញ្ញា គ្រប់ៗគ្នា បន្ទាប់ពីបែកធ្លាយរឿងភ្ជាប់ពាក្យរួចមក បើទោះបីជាកន្លងមកក្រុមគ្រួសាររបស់ ឱក សុគន្ធកញ្ញា មិនបានទទួលស្គាល់ថានាងបានភ្ជាប់ពាក្យក្តី តែរឿងនាងភ្ជាប់ពាក្យនៅតែមានអ្នកនិយាយថា ឱក សុគន្ធកញ្ញា ពិតជាបានភ្ជាប់ពាក្យរួចហើយយ៉ាងពិតប្រាកដ ៕
តែប៉ុណ្ណឹងវិញ្ញាណក្ខន្ធ សាន ស្រីឡៃ បានស្ងប់ហើយ ព្រោះកូនៗរបស់នាងត្រូវបានគេយកចិត្តទុកដាក់ខ្ពស់ !
ទាក់ទងនឹងរឿងកូនៗ សាន ស្រីឡៃ នេះដែរ នៅមុននេះបន្តិចមានការជូនដំណឹងមួយពីក្រុមហ៊ុនហង្សមាសថា ពេលនេះមានសាលារៀនអន្តរជាតិមួយបានសម្រេចផ្តល់អាហារូបករណ៍ ១០០% ទាំងពីរកម្មវិធីសិក្សា ខ្មែរ-អង់គ្លេស ដល់កូនៗទាំង ២ នាក់របស់តារាចម្រៀង សាន ស្រីឡៃ ជាមួយនឹងការផ្គត់ផ្គង់ទាំងសម្ភារសិក្សារហូតដល់ចប់ថ្នាក់ទី ១២ ។
ក្រុមហ៊ុនហង្សមាសបានសរសេរក្នុងន័យអបអរសាទរថា «ក្រុមហ៊ុន ហង្សមាសគ្រុប និង ក្រុមគ្រួសារនៃសពអ្នកនាង សាន ស្រីឡៃ សូមគោរពថ្លែងអំណរគុណដល់ សាលាអន្តរជាតិអាមេរិកកាំងប្រ៊ិជ ដែលបានផ្ដល់អាហារូបករណ៍ដល់កូនប្រុសទាំង ២ របស់សពអ្នកនាង សាន ស្រីឡៃ រហូតរៀនចប់ថ្នាក់ទី១២» ។
តាមរយៈនេះយើងក៏សូមចូលរួមអបអរសាទរដល់កូនប្រុសតូចៗទាំង ២ របស់តារាចម្រៀង សាន ស្រីឡៃ ផងដែរ ដែលទទួលបានអាហារូបករណ៍សាលាអន្តរជាតិអាមេរិកាំងប្រ៊ិជ សម្រាប់ឱកាសសិក្សានេះ និង សូមឱ្យតារាចម្រៀង សាន ស្រីឡៃ ទៅឱ្យបានស្ងប់សុខផងចុះព្រោះថាពេលនេះកូនៗរបស់នាងត្រូវបានគេយកចិត្តទុកដាក់ខ្លាំងណាស់ ៕ សាកល
