ទំនាក់ទំនងស្នេហ៍ជាមួយលោកផ្កាយមួយមិនទាន់រសាត់ឆ្ងាយពីអារម្មណ៍ទស្សនិកជនផង នៅពេលនេះតារាសម្តែង ខេខេ បានធ្វើឲ្យអ្នកគាំទ្រព្រឺសម្បុរគីង្គក់នឹងការសម្តែងMV បទ “ស្រមោលអតីត” របស់ផលិតកម្ម Grand Record ជាថ្មីទៀតហើយ ខណៈដែលនាងហ៊ានសម្តែងឈុតស្នេហ៍បែបក្តៅសាច់លើគ្រែម្តង។ សូមទស្សនាវីដេអូរបស់នាង និងវាយតម្លៃទាំងអស់គ្នា៕
សូមចុចមើលវីដេអូខាងក្រោមនេះ និងជួយស៊ែរម្នាក់មួយផងអរគុណចា៎
អានអត្ថបទបន្ថែម៖ អតីតបេក្ខជនកម្មវិធី Spy Guy & Girl កញ្ញា ខេខេ ថាមិនខ្លាចឈុតសិចស៊ី
ភ្នំពេញ៖ ទើបនឹងលេចមុខក្នុងចង្កោមសិល្បៈអតីតបេក្ខជនកម្មវិធី Spy Guy & Girl 2015 កញ្ញា សឿ ស្រីកា ហៅ ខេខេ ចាប់ផ្តើមលេខមុខមាត់ជាមួយនឹងការសម្តែង និងបង្ហាញម៉ូតជាបន្តបន្ទាប់។ តារាស្រីរូបនេះហ៊ានប្រឈមនឹងឈុតឆាកលំបាកៗមួយចំនួនហើយនាងប្រកាសថាមិនខ្លាចឈុតឆាកស្នេហានោះទេ។ ខេខេ បានសាងស្នាដៃសិល្បៈជាបន្តបន្ទាប់ពិសេសក្រោយពីនាងបង្ហាញវត្តមានក្នុងបទចម្រៀង “កុំចេះតែហ៊ាន” និងបទ”ព្រាត់ស្នេហ៍ជើងព្រៃ” ។
ស្នាដៃថ្មីៗជាច្រើនបានធ្វើឲ្យទស្សនិកជន ពិសេសផលិតករទទួលស្គាល់ពីស្នាដៃសម្តែងរបស់កញ្ញា ខេខេ ថានាងពិតជាមានសមត្ថភាពស្តែងខ្ពស់ទោះមានបទពិសោធន៍តិចឆ្នាំក្នុងការសម្តែងក្តី។ ឈុតឆាកកាចឆ្នាសឆ្នើម ជាច្រើនបានរុញច្រានឲ្យតារាស្រីរូបនេះកាន់តែទទួលបានការចាប់អារម្មណ៍។ តារាស្រីវ័យ២០ឆ្នាំរូបនេះបញ្ជាក់ថា ក្រៅពីការសម្តែង ឈុតឆាកកាចឆ្នាសឆ្នើមនាងក៏ទទួលយកការសម្តែងបែបសិចស៊ីផងដែរ។ នាងថាជាអ្នកសិល្បៈនាងចង់ភ្លក់រសជាតិនៃការសម្តែងឲ្យបានច្រើនជាងនេះ។
នាងថាឈុតឆាកស្នេហា ឱបថើបក៏មិនមែនជាឧបសគ្គសម្រាប់នាងនោះដែរ ប៉ុន្តែមិនមែនជាឈុតឆាកសិចស៊ី និងរោលរាលខ្លាំងនោះទេ។ នាងថាការចចារអំពីឈុតឆាកបែបនេះមុនពេលថតគឺជារឿងដែលត្រូវធ្វើឡើង ព្រោះតែនាងមិនចង់ឲ្យទស្សនិកជនរិះគន់ខ្លាំង ហើយនាងក៏មិនចង់ល្បីតែនឹងរឿងសិចស៊ីជាជាងការសម្តែង និងបង្ហាញម៉ូតនោះដែរ។ នាងថាឈុតឆាកបែបនេះត្រូវស្ថិតក្រោមភាពជាសិល្បៈ និងប្រាកដថាមិនហួសហេតុរហូតផ្ទុះការរិះគន់នោះដែរ។ នាងបន្តថាក្រុមគ្រួសារនាងក៏បើកផ្លូវឲ្យនាងប្រឡូកក្នុងសិល្បៈពេញទំហឹងប៉ុន្តែមិនត្រូវធ្វើខ្លួន និងសម្តែងឲ្យហួសហេតុពេកដែរ។
ខេខេលើកឡើងថាថ្មីៗនាងក៏ទទួលបានគម្រោងការងារសិល្បៈថ្មីជាបន្តបន្ទាប់ ទាំងសម្តែង ក្នុងបទចម្រៀងខារ៉ាអូខេ ឈុតផ្សព្វផ្សាយពាណិជ្ជកម្ម ភាពយន្ត និងការងារបង្ហាញម៉ូតជាបន្តបន្ទាប់។ នាងរំពឹងដែរថាការងារសិល្បៈរបស់នាងនឹងបន្តហក់ឡើងនៅដើមចុងឆ្នាំនេះ និងដើមឆ្នាំក្រោយបន្តទៀតព្រោះតែសន្ទុះការងារកាន់តែច្រើនរត់រកនាង៕ ដោយ៖ វឌ្ឍនា ផ្តល់សិទ្ឋិដោយៈ នគរវត្ត(NokorWat News)
