រឿងភាគ «ម្ចាស់ព្រះអាទិត្យ» ឬ «Descendants of the Sun» គឺជារឿងភាគទូរទស្សន៍ដ៏ល្បីល្បាញមួយរបស់ប្រទេសកូរ៉េកាលពីឆ្នាំ ២០១៥ ដែលរឿងនេះត្រូវបានប្រទេសមួយចំនួនសុំសិទ្ធិផលិតឡើងវិញជាបន្តបន្ទាប់ ។ ជាក់ស្តែងមកដល់ពេលនេះទៀត រឿង «ម្ចាស់ព្រះអាទិត្យ» នេះក៏ត្រូវបានក្រុមហ៊ុនផលិតភាពយន្តមួយនៅប្រទេសប៉ាគីស្ថាន បានសុំសិទ្ធិផលិតឡើងវិញផងដែរ ។
ចំពោះតួអង្គដែលនឹងត្រូវសម្តែងជាតួអង្គឯកប្រុស «Big Boss» ក្នុងរឿង «ម្ចាស់ព្រះអាទិត្យ» របស់ប៉ាគីស្ថាននេះដែរ ត្រូវបានគេបង្ហាញពីសមាសភាពរួចហើយ ដោយរូបគេមានឈ្មោះ Imran Abbas អាយុ ៣៤ ឆ្នាំ ហើយរូបគេគឺជាតួសម្តែងជនជាតិប៉ាគីស្ថាន និង ក៏ជាអតីតតារាម៉ូដែលដ៏ល្បីម្នាក់ផងដែរ ។ តួអង្គឯកប្រុសរបស់ប៉ាគីស្ថានដែលគេបានបង្ហាញនោះ ពិតជាមានរូបរាងស្រស់សង្ហាមិនចាញ់តួឯកដើមក្នុងរឿងកូរ៉េប៉ុន្មានឡើយ ដែលនៅពេលបានឃើញហើយ ម្នាក់ៗច្បាស់ជាចាប់ចិត្តប្រតិព័ទ្ធលើរូបគេមិនខាន ។
កុំឱ្យខកខានយូរ សូមទស្សនារូបសម្រស់ និង ភាពសង្ហារបស់តួឯក «Big Boss» ក្នុងរឿង «ម្ចាស់ព្រះអាទិត្យ» របស់ប៉ាគីស្ថាន ទាំងអស់គ្នា ៖ សាកល (ប្រភព៖ កូរ៉េប៊ូ)
