ប៉ុន្មានម៉ោងមុននេះវីជេ អាណូ បានបង្ហោះរូបភាពមួយសន្លឹកដែលបង្ហាញពីក្មេងនៅក្នុងផ្ទៃម្តាយដែលជាកូនប្រុស ។ ក្រោយពីបង្ហោះរូបភាពនេះតាមរយៈ Instagram បានធ្វើឱ្យមានការភ្ញាក់ផ្អើលយ៉ាងខ្លាំងទាំងអ្នកក្នុង និង ក្រៅប្រទេស រហូតធ្វើឱ្យម្នាក់ៗគិតថា នាងកំពុងមានផ្ទៃពោះ ។
គេមិនដឹងថា រូបដែលវីជេ អាណូ បានបង្ហោះនេះ គឺជារូបកូននៅក្នុងផ្ទៃរបស់នាង ឬយ៉ាងណានោះទេ ទោះបីជាមានការសួរនាំពីមិត្តភក្តិ តែនាងមិនបានតបអ្វីឡើយ ។ ដើម្បីដឹងច្បាស់អំពីរឿងនេះយើងបានទំនាក់ទំនងទៅ វីជេ អាណូ ផង ដែរ ប៉ុន្តែនាងមិនបានឆ្លើយតបអ្វីទាំងអស់ នាងបានត្រឹមតែនិយាយថា «ខ្ញុំកំពុងរវល់ថត ចាំនិយាយពេលក្រោយ » ៕ អាលីណា ប្រភព ប្រជាប្រិយ
សុភ័ក្រ កុសុម៉ា រំលេចសម្រស់ជាមួយឈុតប្រពៃណី ស្អាតកប់តែម្តង
ពិធីការិនីសម្បូរដោយសំនួនវោហារចាក់ទឹកមិនលិច សុភ័ក្រ កុសុម៉ា មួយរយៈកន្លងមកនេះ នាងហាក់ក្ដោបបានប្រជាប្រិយភាពយ៉ាងខ្លាំងពីសំណាក់មហាជនក្នុងរយៈពេលតែមួយប៉ប្រិចភ្នែកសោះ មិនថាការងារជាពិធីការិនី ឬច្រៀង នោះទេ ពេលនេះតារាស្រីសម្បុរស្រអែមស្រស់រូបនេះ ថែមទាំងបានរំលេចខ្លួនថតឱ្យសំអាងការទៀតផង ។
ក្នុងឱកាសថតតែងឱ្យសំអាងខាងលើ សុភ័ក្រ កុសុម៉ា បានរំលេចនូវរូបថតមួយសន្លឹកក្នុងសម្លៀកបំពាក់ប្រពៃណីខ្មែរយ៉ាងស្រស់ស្អាត សមសួន ទន់ភ្លន់ ស័ក្តិសមជាសុភាពនារីខ្មែរយ៉ាងពិតប្រាកដ ខុសប្លែកពីចរិត ដែលធ្លាប់តែក្រមិចក្រមើមរបស់នាងពីមុនមកឆ្ងាយណាស់ ។
យ៉ាងណាមិញ រឿងដែលពិសេស និង គួរឱ្យចាប់អារម្មណ៍ជាងនេះទៅទៀតនោះគឺ គ្រាន់តែរូបថតមួយសន្លឹករបស់ពិធីការិនីពោរពេញដោយប្រជាប្រិយភាព សុភ័ក្រ កុសុម៉ា ក្នុងសម្លៀកបំពាក់ប្រពៃណីខាងលើ បានដាក់បង្ហោះនៅលើទំព័រហ្វេសប៊ុកភ្លាម គេសង្កេតឃើញមានបណ្ដាទស្សនិកជនជាច្រើនលាន់មាត់សរសើរពីសម្រស់របស់តារាស្រីរូបនេះសឹងតែគ្រប់គ្នា ៕ BeBe ប្រភព ប្រជាប្រិយ
