បើយោងតាមគណនី Facebook ឈ្មោះថា Roth Angle បានបញ្ជាក់ថាខ្លួនគ្រាន់តែទិញពោតទៅបោះឱ្យព្រាបនៅមុខវាំងសោះ ត្រូវសន្ដិសុខខណ្ឌផាកពិន័យអស់២ម៉ឺនរៀល ដោយចោទថាបោះគ្រាប់ពោត ជាការបោះចោលសំរាមទៅវិញ។
គណនីនោះបានសរសេររៀបរាប់ថា «មកបោះពោតមុខវាំងឲ្យព្រាបស៊ីសោះ គេថាជាករណីចោលសំរាម ផាកអស់ ២០ ០០០រៀល អត់ដឹងថា គេចេញច្បាប់ថ្មីអីចឹងសោះ សំខាន់ក្នុងក្រដាសផាកពិន័យ គេថា (មួយម៉ឺនរៀលគត់) តែយក ២០ ០០០ រៀល អត់យល់ទេដល់អីចឹង?ជួយshare ផងក្រែងបងប្អូនណាមានបំណង ចង់ទៅបោះពោតមុខវាំងអី ប្រយ័ត្នត្រូវគេផាកដូចខ្ញុំ(មិនមែនមានពេលអង្គុយសរសេរ ទេតែលោកសនិ្តសុខ គាត់ផ្ដាំឲ្យជួយប្រាប់តៗគ្នា) អីចឹងមាន តែផុស facebookឲ្យគេដឹងផង»។
ចំពោះរឿងនេះដែរ អ្នកលេងបណ្ដាញសង្គមនេះ ពិតជាភ្ញាក់ផ្អើលខ្លាំងមែនទែន ព្រោះពួកគេទៅបោះរាល់ដងមិនដែលជួបរឿងនេះទេ។ ហើយក៏មិនដែលបានជួបសន្ដិសុខខណ្ឌដើរមើល និងផាកពិន័យអិចឹងដែរ។ រឿងមួយទៀតដែលកាន់តែភ្ញាក់ផ្អើលនោះ គឺក្នុងក្រដាសដាក់១ម៉ឺនរៀល ដល់ពេលផាកមែនទែនបែរជាទារដល់២ម៉ឺនរៀលទៅវិញ។
ទន្ទឹមនឹងនោះដែរ ក៏មានបងប្អូនយើងបានបញ្ជាក់ថាប្រហែលជាអ្នកបោះពោតឱ្យព្រាបនោះ បោះខុសទីតាំងឬទៅបោះកន្លែងគេហាម ទើបបណ្ដាលឱ្យសន្ដិសុខផាកពិន័យដូច្នេះទៅ៕
