យោងតាមគណនីហ្វេសប៊ុកឈ្មោះ lyhuy lim បានបង្ហោះសារធ្វើការដាស់តឿនដល់ ស្រីៗទាំងឡាយដែលជិះម៉ូតូតែម្នាក់ឯង ដោយប្អូនស្រីខាងលើបានជួបនូវករណីមួយ ដោយមានបុរសម្នាក់ បានព្យាយាមជិះម៉ូតូតាម ព្រមទាំងបានស្រែកថាប្អូនបានជិះប៉ះគេហើយប្រុងរត់គេច ធ្វើមិនដឹង។ ដោយម្ចាស់គណនីហ្វេសប៊ុកខាងលើបានសរសេររៀបរាប់ថា៖
“ស្រីៗជិះម៉ូតូម្នាក់ឯងត្រូវប្រយ័ត្នផង! ធ្លាប់តែលឺគេនិយាយ និងឃេីញគេផុស តែឥលូវជួបខ្លួនឯងហ្មង។ នៅស្តុបផ្សារដេីមគ តាមបណ្ដោយមហាវិថីម៉ៅសេទុង មានប្រុសម្នាក់ជិះម៉ូតូអាសង់កូរ៉េពណ៌ទឹកសមុទ្រ គាត់ជិះតាមខ្ញុំពីពេលណាក៏មិនដឹងហេីយហៅខ្ញុំ។ ឆ្លងផុតស្តុបផ្សារដេីមគ គាត់បានព្យាយាមហៅខ្ញុំអោយឈប់ តែខ្ញុំអត់ឈប់តាមទេ ព្រោះមានអារម្មណ៍ប្លែកក្នុងចិត្ត។ គាត់ក៏ថាអោយខ្ញុំថា”នៅម្ដុំផ្សារដេីមគ ហែងមានដឹងខ្លួនអត់? ” ខ្ញុំឆ្ងល់ក្នុងចិត្តតែខ្ញុំធ្វេីអត់លឺហេីយក៏ជិះធម្មតា តែរាងលឿនជាងមុន។ គាត់ជិះតាមរហូតមកដល់ម្ដុំស្តុបសាលាវ៉ាន់ដា គាត់ក៏ហៅខ្ញុំទៀត ហេីយស្រែកថា ”ជិះប៉ះគេហេីយ ធ្វេីអត់ដឹងទៀត?” ហេីយនិយាយបែបនេះច្រេីនដង។ ចុមមម មិនបាច់សង្ស័យអីទៀតទេ ចេញក្រឡាមក អាបុិហ្នឹងចង់ធ្វេីស៊ីហ្មង បន្ទាប់មកខ្ញុំក៏បត់មកផ្លូវក្រោយសាលាវ៉ាន់ដា ហេីយគាត់ក៏ឈប់តាម។ ធ្លាប់បានឃេីញនិងលឺមានគេជួបករណីបែបនេះដែរតែពេលល្ងាច ឬយប់ តែនេះទាំងកណ្ដាលថ្ងៃត្រង់តែម្ដង។ ដូច្នេះសូមអ្នកទាំងអស់គ្នាប្រុងប្រយ័ត្ន មិនថាពេលព្រឹក ថ្ងៃ ឬយប់ឡេីយ ព្រោះជនឆ្លៀតឱកាសតែងតែឃ្លាំចាំមេីលពេលដែលយេីងភ្លេចខ្លួន”៕
